Pas Shën Valentinit, më 15 shkurt vjen Shën Faustini, një ditë që njihet si festa e beqarëve.
Pavarësisht se për shumë vite është konsideruar një legjendë metropolitane, kjo festë ka marrë popullaritet dhe është transformuar në një mundësi për të gjithë ata që janë “single” të dalin në klube dhe lokale për të njohur dikë, shpesh në kërkim të shpirtit binjak.
Si lindi Shën Faustini?
Sipas legjendës, Faustini ishte një nga të rinjtë fisnikë që u bë kavalier. Lindi si pagan, por më vonë u bë besimtar dhe u pagëzua, duke u angazhuar për të përçuar fjalët e Zotit.
Ai u vendos fillimisht në Breshia, ku u vra më 15 shkurt, dhe nga ky qytet ka lindur festa.
Pavarësisht se nuk ka asnjë lidhje të drejtpërdrejtë me beqarët, etimologjia e emrit “Faustin” ka krijuar një lidhje, pasi në Breshia djemtë beqarë përdornin këtë ditë si mundësi për të njohur vajza dhe kaluar natën bashkë, duke sjellë kështu traditën e festës së beqarëve.
Pse festohet Shën Faustini?
Festa kremton në një mënyrë të qenit “single”, duke e parë këtë si një mundësi për të shijuar jetën dhe për të krijuar miqësi të reja.
Ajo është një mundësi për të flirtuar pa u ndjerë në faj, duke e festuar jetën si beqar dhe duke e jetuar atë pa u shqetësuar për të ardhmen./REFORMA
