Një tjetër event i rëndësishëm për botën e filmit u realizua përpara mbylljes së muajit janar. Ceremonia e Screen Actors Guild Awards në Los Angeles u organizua mbrëmjen e së shtunës, duke vlerësuar talentet e “Hollywood”-it.
Në tapetin e kuq u sollën trendët e sezonit me shtëpitë më të mëdha të modës. Nuk mungonin ngjyrat dhe copat tyli.
Në event Leonardo DiCaprio mori nominimin e pestë individual, por fitoren e parë si aktori më i mirë mashkull pas nëntë vitesh, për rolin e tij në “The Revenant”.
Ai ishte në garë me Eddie Redmayne (The Danish Girl), Michael Fassbender (Steve Jobs), Bryan Cranston (Trumbo) dhe Johnny Depp (Black Mass).
Aktori falenderoi prindërit e tij për marrjen e këtij çmimi. “Falenderoj prindërit e mi për durimin e treguar për një 13-vjeçar pak të bezdisshëm si unë, por ambicioz, i cili çdo ditë pasi mbaronte shkollën kërkonte të shkonte në audicione”.
Çmimet e ndara në SAG Awards:
Performanca më e mirë e trupës në një film – “Spotlight”
Performanca më e mirë e një aktori mashkull në rol kryesor – Leonardo DiCaprio ” The Revenant”
Performanca më e mirë nga një aktore femër në rol kryesor – Brie Larson, “Room”
Performanca më e mirë nga një aktor mashkull në rol jo-protagonist – Idris Elba “Beasts of No Nation”
Performanca më e mirë nga një aktore femër në rol jo-protagonist – Alicia Vikander, “Danish Girl”
Performanca më e mirë e një trupe në seri dramatike – “Downton Abbey”
Performanca më e mirë e një trupe në seri komike – “Orange is the New Black.”
Performanca më e mirë nga një aktore femër në seri dramatike – Viola Davis ” How to get away with murder”
Performanca më e mirë nga një aktore femër në seri komike – Uzo Aduba, “Orange is the New Black”
Performanca më e mirë nga një aktor mashkull në film televiziv ose mini-seri – Idris Elba, “Luther”
Performanca më e mirë nga një aktore femër në një film televiziv ose mini-seri – Queen Latifah, “Bessie”
Burimi: Daily Mail
Discussion about this post