Java e haute couture po rrotullohet në Paris dhe pas shfaqjeve ekstravagante nga Ralph & Russo, Giambattista Valli dhe Christian Dior, tani ishte radha e Karl Lagerfeld tek Chanel.
Koleksioni i Chanel Haute Couture Pranverë/ Verë 2016 u prezantua këtë të martë, si pjesë e Javës së Modës në Paris.
Sigurisht sfilita ishte “mbushur” me disa nga emrat më të mëdhenj në fushën e modës, përfshirë Gigi Hadid, Lindsey Wixson dhe Edie Campbell, duke mos harruar një nga vajzat më të preferuara të Lagerfeld, Kendall Jenner.
Gurët, copat me shkëlqim dhe tylet ishin detaji më i rëndësishëm i përdorur te veshjet. Ngjyra nude, e bardha, e zeza dhe bluja ishte ndër më të përdorurat. Ndërkohë që pjesë të koleksionit Chanel përfshiu edhe trendin e copave me dizajno dhe me lule. Veshjet variojnë nga kostumet tek fustanet e mbrëmjeve.
Burimi: Vogue
