Makijazhi nuk duhet jetë vetëm i përkryer, por edhe të zgjasë deri në momentin që ktheheni në shtëpi për të larë fytyrën. Ndiqni këto hapa për të zgjatur makijazhin tuaj gjithë ditën.
Hidratimi është çelësi
Para se të aplikoni grimin sigurohuni që lëkura juaj të jetë mirë e hidratuar. Ekzistojnë serume dhe produkte të ndryshme me vaj që ndihmojnë në menaxhimin e prodhimit të sebumit (sekrecion vajor i gjëndrave) gjatë gjithë ditës. Për lëkurë të thatë vazhdimisht mbani të hidratuar lëkurën duke parandaluar plasaritjet dhe çarjet e mundshme të lëkurës.
Vendosni pudrën (bazën)
Nëse lëkura juaj është e butë dhe e hidratuar atëherë grimi juaj do të zgjasë më gjatë. Nuk është befasi që lëkura të ndërtojë qeliza të vdekura të cilat fillojnë të fragmentohen me kalimin e kohës kur baza apo pudra qëndron gjatë kohë dhe është e pa lustruar në mënyrë të barabartë. Me anë të eksfoliantit ju mund të largoni këto qeliza të vdekura duke e lënë lëkurën të butë dhe të gatshme për grim.
Pastroni lëkurën dhe aplikoni “primer”
Përgatitja për llojin tuaj të lëkurës është hapi bazë kur bëhet fjalë për një themel (pudër të qëndrueshme), ky është primer, produkti bazë që vendoset në fytyrë para aplikimit të pudrës së lëngshme. Këto kremëra e ngjitin grimin në të duke parandaluar rrëshqitjen apo rrjedhjen e masës.
Zgjidhni bazën e duhur për lëkurën tuaj
Disa formula të bazave kanë qëndrueshmëri më të madhe se të tjerët, por më e mira është ajo rezistente nga uji. Kjo bazë gjeniale përballon shiun dhe vajin që nënkupton se pamja juaj do të mbetet e përsosur gjatë tërë ditës.
Spraj për qëndrueshmëri
Sprajet e ndryshme pas grimit janë të dizajnuara për ta mbajtur të bllokuar grimin, pa marrë parasysh se çfarë lloji është. Spërkatja e fytyrës me spraj në çdo shtresë të lëkurës me grim parandalon njollat dhe zbehjen e grimit.
