Dhimbje e dyfishtë për këngëtaren e mirënjohur, Celine Dion. Vëllai i saj Daniel ndërroi jetë dje në moshën 59-vjeçare, pasi humbi betejën me kancerin, vetëm dy ditë pas ndarjes nga jeta të bashkëshortit të këngëtares.
Daniel Dion vdiq mëngjesin e së shtunës, vetëm një ditë pasi familja e tyre u shpreh se mendonin që 59-vjeçarit i kishin mbetur vetëm disa orë jetë.
Bashkëshorti i Celine, Rene Angelil, u largua nge jeta nga kanceri në fyt në moshën 73-vjeçare, të enjten.
Ndërsa Daniel vuante nga kanceri në fyt, në tru dhe në gjuh. Ai ndodhej në spitalin e lindjes së Celine në Montreal i rrethuar nga familja e tij, përfshirë edhe nënën 88-vjeçare Therese.
“Ata janë të afërt, ajo është e ngushtë me të gjithë vëllezërit e motrat e saj”, tha një burim për Gazetën Montreal.
Ndërkohë Celine ndodhet ende në Las Vegas duke planifikuar funeralin e bashkëshortit të saj. Funerali i tij do të mbahet në Kishën St-Simon-et-Jude de Charlemagne në Repentigny, Quebec.
Lajmërimi për vdekjen e Daniel erdhi nga familjarët e tij, ndërsa funerali do të mbahet më 23 janar. Daniel Dion ishte një nga tetë fëmijët e Therese and Adhemar Dion, si dhe babai i dy vajzave, Valerie (Patrick Goyette) dhe Marie-Michelle.
Burimi: Daily Mail
