Balerini shqiptar, Kledi Kadiu, u bë baba për herë të parë. Artisi ndau emocionet e para me fansat e tij, pasi partnerja Charlotte Lazzari solli në jetën vajzën e tyre.
Balerini me famë në Itali përcolli lumturinë e tij me anë të një fotografie të publikuar në rrjetin social “Facebook”.
Dy prindërit më të rinj mbanin në dorë vajzën e tyre, të cilën balerini zbuloi se e quajtën Lea. Foto duket se është realizuar në spital, pak orë pas lindjes së foshnjës.
Kledi bëri publike verën e vitit të kaluar se do të bëhej baba janarin e 2016-s. Vazja është fryt i dashurisë së dy balerinëve, ndërsa Kadiu ka një diferencë prej 18 vitesh me nënën e fëmijës së tyre.
Sipas lajmërimeve në media, Kledi Kadiu pritet t’i rikthehet ekranit shqiptar me një emision në TV Zjarr.
