Ndërkohë që ka nisur sezoni i çmimeve në “Hollywood”, i përvitshmi “Razzies Awards” emëroi këtë të mërkurë filmat më të këqinj “Fifty Shades of Grey” dhe aventurën e Adam Sandler “Pixels”, të cilët janë ndër më të nominuarit. Në mesin e të nominuarve ishte edhe Sylvester Stallone, të cilit iu kursye trofeu.
“Fifty Shades of Grey”, “Pixels”, filmi fantastiko-shkencor “Jupiter Ascending”, komedia “Paul Blart: Mall Cop 2”, të cilët morën gjashtë nominime dhe filmi me super-heronj “Fantastic 4”, e cila mori pesë nominime, do të të konkurrojnë për të fituar çmimin “Razzies” të filmit të më të keq.
Kjo ceremoni është krijuar në vitin 1980, si një antidot për ceremoninë prestigjioze “Oscar”, ku organizatorët zgjedhin që t’i dhurojnë fituesve të filmave më të këqinj një trofe të ngjyrosur me ar, që ka një vlerë prej 4.97 dollarë.
Fituesit e Razzies janë votuar në internet nga rreth 900 anëtarët e komitetit Razzies dhe kushdo mund të regjistrohet për të votuar, duke u anëtarësuar me 40 dollarë.
Ceremonia mbahet tradicionalisht në “Hollywood” një natë përpara ceremonisë së “Oscar” më 28 shkurt, ku të nderuarit radhë shfaqen për të marrë trofeun.
Sandler, i nominuar për pesë vjet rresht, këtë vit është nominuar si aktori më i keq në “Pixels” dhe për rolin më të keq në “The Cobbler”.
Burimi: Reuters
