Teksa festa e Shën Valentinit është vetëm një ditë larg, me siguri e gjithë shoqëria juaj është ndarë në dy kampe të mëdha: në të parin, ata që janë në një lidhje dhe janë në kërkim të dhuratave apo aktiviteteve që mund të bëjnë për ta festuar këtë ditë në çift dhe në të dytin, ata single që… epo e kuptoni vetë.
Por teksa çiftet mund të gjejnë ide pafund për ditën e të dashuruarve, për beqarët opsionet janë disi më të limituara. Ndaj, me ndihmën e ndjekësve të “iconstyle.al” në Instagram, kemi përpiluar një listë me 14 super ide për vajzat beqare për të kaluar një Shën Valentin ndoshta dhe më të bukur se të çifteve të dashuruar.
1. Të rehatohesh në shtëpi, të shohësh një film komedi dhe të porosisësh ushqim, se një vajzë single ka nevojë për këtë lloj relaksi.
2.T’i bësh vetes dhuratë një buqetë me lule sepse nuk të duhet një mashkull që të zbukurosh shtëpinë.
3.Shopping, sepse ku s’ke dikë që të të bëjë dhurata, mund t’ja bësh vetes.
4.Të flesh gjumë derisa të kalojë. Askush nuk i ka qejf ato postimet e sheqerosura të çifteve të lumtura në rrjetet sociale.
5.Të planifikosh një udhëtim me shoqet e ngushta.
6.Organizo një darkë romantike për prindërit e tu dhe kënaqu me romancën e tyre.
7.Ta injorosh komplet!
8.Mblidhuni një grup shoqesh, dërgojini ish-ëve një mesazh urimi për Shën Valentin dhe shihni ç’ndodh!
9.Të dehesh me shoqet dhe të shkosh në një klub striptizmi.
10.Të gatuash më në fund një nga ato recetat që ke ruajtur në Instagram dhe ta hash nën dritën e qirinjve.
11.Dil pi një gotë verë me mamin nëse babi nuk është dhe aq romatik.
12.Të shkosh në një SPA dhe të trajtosh veten si princeshë.
13.Bëj rolin e Cupid-it dhe prezanto një shoqë single me një shok single.
14.Bëhu e bukur, dil për të pirë një gotë vetëm dhe gëzoju dashurisë për veten. Vetëm pasi të duash veten, mund të gjesh dikë me të cilin do t’ja vlejë të festosh Shën Valentinin në të ardhmen!
