Është koha të heqim nga mendja opsesionet me femrat muslimane. Kur vjen fjala te stili i femrave muslimane, nuk gjejmë asnjë look të ngjashëm, ndryshe nga ajo që mendojnë perëndimorët. Disa nga këto gra mbulojnë kokën, po, por shumica nuk e bën.
Këtu do të gjeni një listë të disa grave muslimane që thyejnë steriotipet me stilin e tyre chic dhe nuk ndryshojnë anatominë e tyre.
1.Nadira Abdul Quddus
“Si një e konvertuar një femër muslimane, mu desh pak kohë të gjeja stilin tim. Modestia është më shumë se sa një shall i vendosur në kokë apo se si ti vishesh-është gjithashtu mënyra se si e mban veten. Unë luftova për të gjetur një urë midis modestisë dhe modës që të mund të më rrinte mirë.”- u shpreh bloggerja 29 vjeç (nadira037). Po si nisi e gjitha kjo? “Kjo luftë është një nga arsyet që unë fillova të qepja dhe dizenoja veshjet e mia. Fillova ti shpërndaja tutorialet në kanalin tim në You Tube, në mënyrë që të ndihmoja dhe vajza të tjera të krijonin lookun e tyre. Ky fund i gjatë është një ndër të preferuarit e mi dhe tashmë po mendoj të filloj dhe një linjë timen, për të gjitha vajzat e të gjitha besimeve”.
2.Anam Shahid
“Besimi im thotë se modestia është xhevahiri më i mirë për një femër, po modestia është një mendim”- thotë bloggerja 27 vjeçare (the style menu). “Ka shumë forcë dhe bukuri nëse ti e di çfarë posedon edhe pa u shfaqur e gjitha në ekran, pa u ekspozuar “. INteresante në kombinimin e ngjyrave dhe loja që ajo krijon me to. Në instagram mund ta gjeni me emrin @annieswift.
3.Lubna Hassan
“Të rritesh në një shtëpi muslimane konservative, ishte një sfidë, veçanërisht për një femër”- rrëfen 28 vjeçarja, Lubna. “Gjithmonë ka patur mërzitje dhe nuk e kuptoja pse nuk duhet ta bëja, të mos vishja disa gjëra por tani që jam adulte, kam kuptuar se këto kanë luajtur një rol në formimim tim në atë që jam dhe sidomos se si vishem. Unë nuk do të pretendoja dhe thoja se jam shembulli i modestisë por më pëlqen të mendoj se kam gjetur një balancë midis asaj që besimi im kërkon dhe se si zgjodha të krijoja stilin tim”.
4.Zahra Sandberg
33 vjeçarja ndan çdo ditë inspirimin nga moda në LoveZahra.com- dhe ndërsa disa njerëz mendojnë se modestia referohet vetëm në faktin se sa lëkurë tregon, Sandberg mesa duket mendon ndryshe. “Për mua, modestia nuk është se sa lëkurë vendos një femër të mbulojë, është më shumë se si sillet dhe se si trajton të tjerët. Dashamirësia, modestia dhe bujaria janë tiparet e një fetari modest Mulsiman,”- thotë ajo.
5.Faria Sukanna
“Stili im është shumë i thjesht. Më pëlqen të vesh shumë tone naturale, me pak ngjyrë pop që mund të jetë në këpucë apo në buzë.” Sukanna është 27 vjeç dhe vjen nga një familje muslimane. Ajo thotë se për këtë fakt është përpjekur të vishet siç duhet por edhe të ndihet vetvetja. “Ka gjithmonë sfida por moda është në zemrën time”.
6. Summer Albarcha
Albarcha tërhoqi vëmendje si imazh pas Hipster Hijabis dhe ashtu siç emri sugjeron ajo zgjedh të veshi perçen. “Unë besoj se kam aq pushtet në modën time sa një jo-muslimane. Ndonëse jam e limituar në disa zgjedhje ku me duhet të evitoj pantallonat e shkurtra”-shprehet 19 vjeçarja. “Unë kam vendosur perçen si rezultat i edukimit që kam marrë nga femra muslimane të jashtëzakonshme, një komunitet ku nuk lejuan që vlerat e besimit të tyre të vendosnin barriera për aspiratat e tyre”.
7.Malaika Ali
“Jam me fat që jam rritur në një familje muslimane, të kem një nënë të fortë e cila më mesoi të jem krenare për fenë time dhe atë që jam. Për mua modestia do të jetë gjithmonë në stil, ka diçka të bukur në një femër, e cila ka gjithçka por nuk e tregon për të gjithë, në respekt të vetes dhe të Zotit të saj”.-tregon 23 vjeçarja.
8.Haifa Wehbe
Wehbe, një pop star libaneze, është përplasur me shumë kritika për zgjedhjen e veshjes së saj, veçanërisht pasi u shfaq në një episod të show-ut Arab Star Academy. “Unë vesha çfarë konsiderova për të qenë modeste me një fustan të gjatë të zi por u surprizova dhe u lëndova nga komentet negative”. “Moda është shumë personale për mua. Është një mënyrë për të shprehur identitetin individual”.
9. Lilly Ghalichi
Ajo ka rregullat e veta kur bëhet fjalë për stilin e saj. “Stili im është seksi chic. Unë e adhuroj të jem joshëse dhe të vishem bukur- nuk e teproj asnjeherë, mundohem të jem sa më seksi dhe pa humbur klasin sigurisht”.-thotë 32 vjeçarja.”Unë nuk e vlerësoj të qenurit e forcuar për tu mbuluar, duhet të jetë një zgjedhje e femrës. Unë mendoj se perçja është shumë e bukur dhe vajzat që e zgjedhin ta veshin janë shumë të forta”.
10. Nafisa Rahman
“Unë besoj te femrat që vishen për të qenë më të sigurta, me besim në vetvete. Duke patur një background musliman, zhvillimi i stilit tënd është sfidues. Unë përpiqem të bëj më të mirën me stilin tim duke respektuar besimin dhe familjen time”.-tregon 27 vjeçarja.
11. Amara Majeed
Themeluesja e ‘The Hijab Project’, merr histori dhe sfida çdo ditë. “Unë e vesh perçen për qëllime feministe; Unë e shikoj si një simbol politik apo si motiv social”, -thotë 18 vjeçarja. “Sa për stilin tim, më pëlqejnë gjërat elegante dhe chic. Unë jam shumë feminine, kshuqë shumicën e gjërave i kam me lule, me taka super të larta apo skinny jeanse që shkojnë me të gjitha. Shamitë në kokë më pëlqejnë me printe dhe ngjyra”.
12. Irene Mahmud Khan
Fotografe dhe blogger, 28 vjeçarja pohon se vazhdimisht dëgjon ti thonë se ajo nuk duhet të veshi disa gjëra si femër muslimane, por ajo refuzon të kritikohet. “Mendoj se duhet të kesh një mendje të vogël të besosh se fustani na dikton të gjithëve. Unë e kosideroj veten time si besimtare dhe jo domosdoshmërisht konservative. Më rrethojnë njerëz të rëndomtë, që më thonë të lë Islamin komplet, i cili është përtej çdo shqetësimi”.
