Dolce & Gabbana prezanton koleksionin e parë për femrat myslimane (FOTO)

Fustanet e tij janë një nga elementët kryesorë në tapetin e kuq dhe muzat  përfshijnë disa nga emrat më të njohur të “Hollywood”-it si, Monica Bellucci dhe Scarlett Johansson.

Por tashmë shtëpia e njohur italiane e modës “Dolce & Gabbana” ktheu vëmendjen te diçka më modeste, duke prezantuar koleksionin e parë për femrat myslimane, që përfshijnë veshjet e jashtme pa mëngë, të lirshme dhe të gjata dhe ferexhetë.

Koleksioni i parë u publikua nga faqja e internetit me degë në Arabi, “Style.com”, i cili kryesisht vjen në ngjyrën e zezë dhe neutrale, ku ndërthuret me disa stampime.

Sajti i modës tha se, “koleksioni feston të paimitueshmen “dolce vita”, që është i dallueshëm për ne në botën arabe”.

Por është ende e dallueshme D&G, pasi vjen me një spërkatje të luleve margarita, të limonit dhe trëndafilave të kuq, që shfaqen në koleksionin e markës së Pranverë 2016, si dhe përdorimit të copave me topa.

Ferexhetë dhe veshjet e jashtme janë me një copë mëndafshi ose tyli të hollë dhe me saten të ndërthurua me pëlhura dhe nënshkrimi i D&G në dantellë është një detaj i fortë.

Stefano Gabbana gjithashtu njoftoi për koleksionin më të ri në faqen e tij në Instagram, me hashtagun “DGabaya”.

D&G iu bashkua Tommy Hilfiger dhe DKNY në ofrimin e koleksionet të përshtatur për femrat myslimane. Marka të tilla si, Mango, Zara dhe Net-a-Porter kanë ofruar gjithashtu koleksionin e Ramazanit, gjatë muajit të shenjtë.

Marrë nga “Daily Mail”. Përgatiti Jearta Çaushi.