Femra më e fuqishme neëindustrinë e modës redaktorja e “Vogue”, Anna Wintour, ka dhënë disa këshilla se si gjithmonë të jeni elegante dhe si të ndërtoni stilin tuaj personal. Në këto këshilla nuk do të gjeni asnjë të tipit: “Blini një çantë “Channel”. Këshillat e Anna-s janë shumë të thejshta për t’u vënë në zbatim, jini unike, të rregullta, silluni në përputhje me moshën dhe jini femërore. Mos harroni që “brand”-i jeni ju, çfarëdo që të vishni. Ju mbani garderobën dhe jo ajo ju.
1.Kryesore është eleganca, duhet të dinin që gjërat që do të vishni duhet ta mbani atë me elegancë. Eleganca nuk është ajo çka keni veshur, por jeni ju. Nëse nuk dini ta mbani atë, edhe fustani më i shtrenjtë mund të duket i lirë.
2.Vishuni në pajtim me vitet tuaja. Sipas Anna-s, kur kaloni të 40-tat duhet të keni kujdes për vitet tuaja, nuk guxoni që të bëni eksperimente të cilat nuk janë në përputhje me moshën tuaj. Por gjithashtu nuk duhet të shndërroheni në një femër të cilës nuk i intereson moda.
3.Kohë pas kohe freskoni gardërobën tuaj dhe ndryshoni mënyrën e veshjes. Nëse zakonisht vishni fustane, kohë pas kohe mbani pantallona, ashtu njerëzit nuk do të mendojnë se gjithmonë visheni njësoj. Nëse ju pëlqen klasikja, freskojeni me detaje “trendy”. Gardëroba juaj është baza, detajet janë ato që e bëjnë gardërobën tuaj ndryshe dhe stilin tuaj personal.
4.Trendet vazhdimisht ndryshojnë dhe femrat mundohet t’i ndjekin ato, por këshilla e Anna-s është, “nuk duhet t’i nënshtroheni trendëve të modës”. Nuk është gjithçka për juve, pasi nuk do t’iu qëndrojnë mirë. Duhet që trendin t’ia adaptoni vetes dhe jo të kundërtën. Duhet ta respektoni vendin ku gjendeni dhe të bëni dallime në mes zyrës dhe restorantit.
5.Gjithmonë jeni e rregullt, flokët duhet të jenë rregullta, ndërsa make up-i varet nga koha dhe rasti, veshjet duhet të jenë në rregull dhe të pastra. Sado që dita të jetë e vështirë kjo nuk duhet të dallohet tek ju nga veshja.
6.Ndërtoni stilin tuaj. Mund të keni një model, por nuk guxoni të jeni kopje. Ju duhet të keni rregullat e juaja të modës, dikush mund t’iu shërbejë si model dhe inspirim, por ju duhet të keni stilin tuaj personal.
7.Aksesori të cilin çdo femër duhet ta ketë në çantë janë syzet. Anna mendon se ato janë detaj i cili mund të ndryshon pamjen tuaj në sekondë dhe të fshehë shenjat e lodhjes.
8.Eksperimentoni, por me masë, duhet të jeni besnike e stilit tuaj. Mund të eksperimentoni me modelet, stilet, trendet, por gjithmonë duhet të vërehet stili juaj personal, mos ia lejoni vetes që të dukeni si person komplet ndryshe, do të duket që vërtet dëshironi të jeni dikush tjetër.
9.Këshilla më e rëndësishme, kini kujdes me sjelljen tuaj. Duhet të jeni femërore dhe këtu nuk ka rendësi se çfarë keni veshur, fustanin më elegant apo xhinse dhe t-shirt.
