Ju ofrojmë një guidë si mund të ngjani ultra moderne, femërore, profesionale dhe të pagabueshme në stil. Golfi është veshja që po thyen çdo tabu. Ai kombinohet me gjithçka dhe përshtatet me çdo gjë. Sipas atyre që modën dhe tendecat i kanë ushqim është “një bluzë praktike dhe “chic”, e duhura si për meshkujt dhe femrat.
Kjo bluzë e ngrohtë që na mbulon me stil qafën në tendencat e fundit të modës është rikonceptuar për të qenë një “must”. Modelet e prezantuara në këto foto janë të shumëllojshme, duke filluar nga modeli klasik, te bluza e ngrohtë prej leshi, te bluza minimal që të zgjidh kurdoherë, në versionin që zbulon barkun “crop top”.
“ICON” ju këshillon të rimendoni veshjen e golfit dhe imazhi juaj ka për t’iu falënderuar.
Marrë nga “W Magazine”. Përgatiti: Stela Hyso
