Një yll në “Walk of Fame” në Hollywood është prishur dhe menjëherë lindi kurioziteti se emri i kujt ishte gdhendur. Ylli i përket kandidatit për President, Donald Trump. Ai mësohet se u dëmtua nga një mashkull i veshur si punëtor konstruksioni.
Personi, i cili përdori një çekan dhe një kazmë, u përpoq që të hiqte yllin mëngjesin e së mërkurës, me qëllim për ta nxjerrë në ankand për të fituar para për gratë e shumta, që e kanë akuzuar Trump për ngacmim seksual, raporton “New York Times”.
Një dëshmitar tha se, “burri i paidentifikuar papritmas mori çekanin dhe filloi të godiste yllin e Trump. Pastaj ai mori kazmën dhe u përpoq të shkulte emrin e tij”.
Policia nuk ka ende asnjë informacion për të dyshuar, por administruesit e “Walk of Fame” thanë se ai do të ndiqet penalisht sipas ligjit.
Burimi: Harper’s Bazaar
