Miley Cyrus u fotografua duke kaluar kohën me të dashurin e saj Liam Hemsworth dhe familjen e tij në Australi.
Si një shenjë e sigurt duket që gjërat po bëhen serioze sërish mes çiftit, pasi këngëtarja u pa duke shkuar për drekë me të dashurin e saj aktor dhe prindërit e tij në Byron Bay, të enjten.
Miley dhe Liam, të cilët rinisën marrëdhënien e tyre në fund të vitit të kaluar, u fotografuan duke folur së bashku ndërsa po shkonin në takonin familjen e tij.
23-vjeçarja u shfaq shumë natyrale, me një shkëlqim në fytyrë, ndërsa mbante veshur një bluzë të bardhë me një stemë “one love” (“një dashuri”) dhe pantallona xhinse të shkurtra.
26-vjeçari po ashtu ishte veshur thjesht me një palë pantallona të shkurtra dhe një bluzë të thjesht të bardhë.
Ndërsa zërat thonë se këngëtarja mund të jetë gati për t’u shpërngulur në Australi. Sipas thashethemeve Miley është shumë gati për t’u martuar me aktorin 26-vjeçar.
Burimi: Daily Mail
