Dihet që celebrities e mbajnë gjithmonë në kontroll veten nga ushqimet që konsumojmë. Të gjitha i nënshtrohen kohë pas kohe dietave të caktuara, ndërkohë që disa prej tyre këtë dietë e kanë kthyer në rutinën e tyre të përditshme. Njihuni me dietat që kanë përdorur celebrities për të pasur linja të shkëlqyera trupore.
Madonna dhe Demi Moore
Dieta që kanë ndjekur të dyja është “Dieta e Ujkut”. Thelbi i kësaj diete lidhet me efektin e Hënës në organizmin e njeriut, posaçërisht në atë të një femre. Dieta bazohet në përdorimin me shumice të lëngjeve dhe ndiqet për disa ditë gjatë një muaji.
Beyonce
Dieta e ndjekur prej saj është “Master Cleanse”. Gjatë kësaj kohe, ajo ka ndjekur me fanatizëm një dietë të bazuar në një lëng të prodhuar nga druri i panjës, piper dhe esencë limoni. Ndërsa gjatë kohëve të fundit, ajo i është nënshtruar edhe një dietë vegjetariane për 22 ditë në muaj.
Gwyneth Paltrow
Prej kohesh aktorja e famshme ka hequr dorë nga konsumi i mishit, vezëve, peshqve dhe nënprodukteve të qumështit. Kohët e fundit ajo ka filluar të tregojë një farë tolerance në këtë drejtim, por duke e kompensuar atë më shumë stërvitje.
Kate Hudson
Kate ka mundur të bjerë shumë në peshe veçanërisht pas lindjes. Ajo ka treguar se për këtë ajo ka përdorur edhe një aplikacion të posaçëm në celular, por veç kësaj ajo përdor shumë ushqime në gjendje krudo, pinë shume ujë me limon.
Kate Middleton
Dieta e saj ishte Dukan. Por pas lindjes se djalit të saj George ajo nisi të përdorte edhe ushqime të tjera të shëndetshme, por edhe shumë lëngje frutash.
Kirsten Dunst
Dunst është e dhënë pas dietës “Ph” e cila ruan një bilanc të caktuar të ushqimeve me natyre acide dhe atyre me natyrë bazike. Në këtë dietë të ashpër, janë të përjashtuar shumë ushqime, si makaronat, fasulet, nënproduktet e qumështit, peshqit dhe frutat e detit, kafja, sheqeri, uji tonik dhe alkooli.
Christina Aguilera
Aguilera mësohet se gjatë periudhës pas lindjes se djalit të saj iu referuar së ashtuquajturës dieta e ngjyrave, e cila parasheh konsumin brenda harkut të një dite të javës të ushqimeve me të njëjtën ngjyrë.
