Mamaja e këngëtarit shqiptar, Shpat Kasapi, do të hyjë në Kuvendin e Maqedonisë si deputete. Zgjedhjet e zhvilluara më 11 dhjetor, nxorën si fitues Nikola Gruevsin, megjithatë rivali i tij Zoran Zaev fitoi gjithashtu 49 mandate.
Gjylymsere Kasapi, mamaja e Shpatit ishte në garë si një nga kandidatet e një partie maqedonase. Kështu, ajo do të jetë një ndër deputetet e partisë së Lidhjes Social Demokrate të Maqedonisë, të Zoran Zaevit.
Gjylysmere Kasapi aktualisht jep mësim në Universitetin e Shkupit dhe gëzon mbështetje në shoqërinë maqedonase, duke qenë gjatë gjithë këtyre viteve e përfshirë në iniciativa me karakter politik e social.
