Aktorja e njohur Samantha Weinstein ka vdekur nga kanceri ovarian në moshën 28-vjeçare. Aktorja e “Carrie” luftoi me sëmundjen për më shumë se dy vjet dhe vdiq më 14 maj, duke lënë pas familjen dhe miqtë të pikëlluar.
Familja e saj konfirmoi vdekjen me një deklaratë emocionuese të shpërndarë në rrjete sociale.
“Ajo ishte plot energji pozitive, kushdo që e takonte ndonjëherë do të thoshte se ajo thjesht ndriçoi çdo dhomë në të cilën hynte”, tha babai i Samantha për Global News Canada
Weinstein njihet më së shumti për rolin e Heather, një nxënëse e shkollës së mesme në “Carrie” së bashku me Chloe Grace Moretz dhe Julianne Moore. Ajo hyri në fushën e aktrimit në moshën dhjetë vjeçare me rolin e Josephine në “Big Girl” të vitit 2005, një shfaqje që i dha asaj një çmim ACTRA për performancën e jashtëzakonshme nga një femër.
