Beatrix Ramosaj vijon të jetë në qendër të vëmendjes. Së fundmi, ajo ka publikuar disa foto mjaft të ëmbla nga fëmijëria e saj.
Në njërën prej fotove, shfaqet Trixa e vogël ndërsa në tjetrën shfaqet këngëtarja me Albanin, vëllain e saj.
Kujtojmë që Beatrix dhe Albani kanë marrëdhënie shumë të mira me njëri tjetrin si dhe shpesh bashkëpunojnë në projektet e tyre muzikore.
Nga ana tjetër, Albani ka bërë me dije se do të vijë me disa këngë, ku nuk përjashtohen as bashkëpunimet.
Beatrix Ramosaj është një personazh shumë i përfolur që pas daljes nga “Big Brother VIP Albania”. Ajo ka treguar se është bullizuar shumë nga shoqëria shqiptare pas daljes nga reality-show. Jo vetëm kaq por më herët Trixa ka rrëfyer se bullizmin e ka ndjerë që kur ka qenë në shkollë.
Së fundmi, këngëtarja është fokusuar tejmase te karriera e saj, ku menjëherë pas daljes nga reality-show, ajo publikoi këngën “Faj”. Por Beatrix nuk e la me kaq!
Ajo më tej, publikoi “Ma shumë se ti” në bashkëpunim me DJ Geek dhe së fundmi këngën “Vonë”.
Ndërkohë, dje Trixa publikoi një foto të vjetër, ku në të shfaqeshin ajo, Albani, mamaja e tyre si dhe babai i ndjerë i dy këngëtarëve.