Ata të dy ndodhen çuditërish në Shtetet e Bashkuara të Amerikës. Por pavarësisht se për reperin Ledri Vula është një nga vendet ku frymëzohet për muzikën e tij, kjo nuk është arsyeja e vërtetë e nisjes së tij përtej oqeanit. Të njëjtën gjë mund të themi edhe për këngëtaren Dafina Zeqiri.
Mësohet se një arsye unike e shtyu Ledrin të nisej në Amerikë dhe është pikërisht miku i tij i ngushtë.
Një prej shokëve të tij, Blendi kurorëzoi dashurinë me një event madhështor, kur mes të tjerëve ishin ftuar shumë miq nga Kosova. Në një nga fotot e publikuara, reperi kaloi nga roli i të ftuarit në atë të këngëtarit, pasi mori mikrofonin për të kënduar hitin “Një gotë për ty”.
Nga ana tjetër rastësisht apo jo, në Nju-Jork ndodhet edhe Dafina Zeqiri, e cila shoqërohej nga i dashuri i saj. Dy artistët kanë qëlluar rastësisht në të njëjtin destinacion dhe secili po merret me axhendën e tyre, por ende nuk është vërtetuar nëse edhe Dafina ishte e ftuar e ceremonisë së kurorëzimit.
*Shfleto galerinë
