Beatrix Ramosaj është një personazh shumë i përfolur që pas daljes nga “Big Brother VIP Albania”.
Së fundmi, këngëtarja është fokusuar tejmase te karriera e saj, ku menjëherë pas daljes nga reality-show, ajo publikoi këngën “Faj”. Por Beatrix nuk e la me kaq!
Ajo më tej, publikoi “Ma shumë se ti” në bashkëpunim me DJ Geek dhe së fundmi këngën “Vonë”.
Mirëpo, sot ajo është bërë mjaft nostalgjike. Trixa ka postuar një foto të vjetër në Instastory, ku në të shihet familja e saj.
Trixa dhe Albani duken mjaft të vegjël në foto, si dhe aty duket gjithashtu edhe babai i ndjerë i këngëtares së bashku me Antigone Ramosaj.
Fotoja është kaq e bukur dhe ndjerë, ku familja asokohe ishte e plotësuar.
Beatrix më herët ka treguar se është bullizuar shumë nga shoqëria shqiptare që pas daljes nga BBV. Gjithashtu, ajo ka treguar se bullizmin e ka përjetuar që në shkollë.
“Që në shkollë e kam përjetuar. Të gjithë kemi karaktere të ndryshme dhe unë futem tek ata që janë më sensitive dhe janë tërhequr. Nuk më kanë pëlqyer asnjëherë konfliktet por kjo nuk domethënë që të tjerët të kenë të drejtën të të shkelin ose komentojmë. Kam qenë pak si shumë e mbushur dhe e kam përjetuar shumë. Por kalohet duke u rritur. Kjo gjëja bëhet edhe traumë. Lidhet me atë idenë, nuk kanë besim në vete. Të gjithë jemi të bukur në mënyrat tona. Jemi të ndryshëm nga njëri-tjetri por jo perfekt. Rëndësi ka të kemi shpirt të mirë.”– ka rrëfyer ajo.