Ndërsa mijëra fansa “çmendeshin” për të, mijëra të tjerë nisën ta “urrenin”. Shumë menduan se udhëtimi i tij drejt famës filloi në rrugën e gabuar, por Justin Bieber tregoi komplet të kundërtën. Pavarësisht se është në listën e të preferuarve tuaj apo jo, ka pesë gjëra që nuk i dinit për këngëtarin, ja cilat janë:
1.
Shumë persona u prezantuan për herë të parë me Justin Bieber si “nxënësi” i Usher. Por rezultoi se një person tjetër i famshëm i kishte sytë tek ylli në rritje dhe ai ishte Justin Timberlake. Në moshën 12-vjeçare Bieber u zbulua në “Youtube” dhe më pas mori fluturimin për në Atlant, ku do të takohej me disa drejtues muzike për t’iu treguar zërin e tij të ëmbël. Por fati nuk deshi që Bieber ta bënte provën dhe u kthye në Kanada pa i bërë ato. “Usher i kishte parë videot e mia në vitin 2009 dhe ishte shprehur: “Ky fëmijë duhet të këndojë”. Mora sërish fluturimin për në Atlant, ku këndova para tij. Dhe një javë më vonë kisha edhe një takim me Justin Timberlake. Ata që të dy më donin mua”, tregoi Bieber.
2.
Kur Bieber ishte 16 vjeç, luajti rolin e një adoleshenti problematik në CSI. “Kam marrë një telefonatë, se Justin ishte vërtet fans i CSI dhe kjo ishte gjithçka doja të dëgjoja në ato momente”, tha producenti ekzekutiv Carol Mendelsohn në vitin 2010. “Ne kemi patur një rol të jashtëzakonshëm për një aktor të ri në sezonin e ri. Roli i tij në këtë pjesë ishte jetëshkurtër pasi ai u qëllua dhe u vra në episodin e dytë të sezonit”, u shpreh producenti.
3.
Pasi vazhdoi turin e tij “Apology”, në vitin 2014, Justin shiti shtëpinë e tij me gjashtë dhoma gjumi. Tani këngëtari jeton në një hotel në Beverly Hills dhe thotë se dëshiron që shtëpia e tij e ardhshme të jetë diçka e veçantë dhe unike për të.
4.
Pavarësisht se ai është personi i dytë më i ndjekur në “Twitter”, Justin nuk është ai tipi i djalit që të kthen përgjigje. “Nuk dëshiron që njerëzit të mendojnë se mund të komunikojnë kaq lehtë me të. Jo vetëm që shumë pak njerëz e kanë numrin e tij, por thuhet se 24-vjeçari as nuk e merr mundimin që ta mbajë mend atë, sepse e ndërron çdo 6 muaj për arsye sigurie.
5.
Vitin e kaluar, Bieber zbuloi anën e butë të tij në “Carpool Karaoke” të James Corden. Jo vetëm që zbuloi se një nga filmat e tij të preferuar ishte “The Notebook”, por që edhe kishte qarë kur e kishte parë. “Jam djalë emocional”, tha ai teksa rrëfeu edhe se kënga “Ironic” e Alanis Morrissette ishte kënga e tij e preferuar.
Burimi: Vogue
