Së fundmi u aludua se Era Istrefi do të jetë pjesë e jurisë së “The Voice”, por diçka e tillë u hodh poshtë nga menaxheri, njëkohësisht i dashuri i saj, Faton Shoshi.
Por një lajm i mirë vjen nga këngëtarja 22-vjeçare, e cila po përgatitet për herë të parë për një turne koncertesh. Era zgjodhi si shtet Bullgarinë për të organizuar një event të tillë, ku do të shoqërohet nga një ekip me shumë shqiptarë.
Mësohet se, këngëtarja dëshiron që në ekip të ketë sa më shumë shqiptarë, ndaj edhe ka zgjedhur një bandë shqiptare për ta shoqëruar në eventet muzikore.
Gjatë intervistës për emisionin “Nin”, Era Istrefi u shpreh se edhe pse po punon në SHBA për albumin e parë ndërkombëtar, ekipi i menaxhimit dhe sa më shumë bashkëpunëtorë të saj, të jenë shqiptarë. Një event i tillë muzikor u hamendësua pasi Era u shpreh se, është gati për një surprizë, përmes një foto në “Instagram”.
