Si çdo vit, në “Sheshin Skënderbej” do të festohet ndërrimi i viteve me një koncert që do të mbledhë qytetarët për të festuar së bashku.
Kryebashkiaku i Tiranës, Erion Veliaj, i ka ftuar të gjithë qytetarët nëpërmjet një postimi në Instagram, që të marrin pjesë në festën e organizuar në shesh.
Gjithashtu, Veliaj ka zbuluar edhe emrat e artistëve që do të na shoqërojnë me performancat e tyre natën e ndërrimit të viteve.
“Gati? ??
Siç e kemi bërë traditë tashmë, ndërrimin e viteve e presim te sheshi “Skënderbej”. ??
Një spektakël i paparë fishekzjarresh për të pritur #Tirana100VjetKryeqytet dhe një koncert madhështor na presin më 31 Dhjetor ora 23:00 me @enedatarifa , @ikonomimariza dhe @elhaidadani93 . ?
Lajmëro familjarët e miqtë dhe eja! ??”- shkruan Veliaj në postim.
