Motrat Vjollca pas një sezoni të suksesshëm televiziv po shijojnë disa ditë pushimesh në një vend me borë, Saint Mortiz në Zvicër.
Marina me një foto na tregoi se së bashku me to është edhe Getoari. Por pas disa lajmesh ku hamendësohej se Luana dhe Krenar Çota i kanë dhënë fund lidhjes së tyre, burime pranë çiftit kanë folur se lidhja e tyre po funksionon më së miri dhe për më tepër janë me pushime. Megjithëse Luana është kujdesur të mos na servirë asnjë foto të Krenarit gjatë pushimeve.
Këto ditë Luana është tallur nga disa portale për një detaj që është vënë re gjatë postimeve të saj në “Instagram”. Arsyeja lidhet me përdorimin e syzeve “ekstravagante” në një vend me borë.
Luana ka zgjedhur të mos reagojë ndaj këtyre lajmeve, por këngëtarja Besa Kokëdhima i ka dalë përkrahë.
“Ju e dini që syzet janë të domosdoshme në borëm apo jo?! Keni dëgjuar ndonjëherë që reflektimi i rrezeve të diellit dëmton sytë?”, ka shkruar Besa duke iu mbyllur gojën të gjithëve.
