Vetëm para dy ditësh qarkulloi në media lajmi se Noizy dhe Erik Fullani nuk janë më shok dhe tashmë e kanë prishur miqësinë e tyre. E gjitha kjo u bazua në faktin se djemtë nuk shkëmbenin më komente dhe batuta më njëri-tjetrin. Gjithashtu prej një kohe të gjatë nuk kanë publikuar më asnjë foto së bashku.
Por Noizy sapo na zbuloi se ky hamendësim nuk është i vërtetë. Mes tyre miqësia vazhdon, edhe pse ata nuk e kanë shfaqur në rrjetet sociale. Me sa duket angazhimet e tyre personale nuk iu lënë më aq shumë kohë për të kaluar në shoqërinë e njëri-tjetrit.
Erik tashmë është në një lidhje dhe menaxhon biznesin e tij, ndërkohe Noizy vazhdon me projektet e tij që lidhen me muzikën, por edhe me biznesin personal që ka në Durrës.
Në një postim të publikuar ditën e djeshme nga Eriku në “Instagram”, ku lajmëronte se do të ishte i ftuar në emisionin “Pop Culture”, Noizy ishte një ndër të parët që e pëlqeu këtë foto.
