ICONstyle > Celebrity > “Të kam shumë inat”, Floriana Garo flet për mesazhin që e shokoi

“Të kam shumë inat”, Floriana Garo flet për mesazhin që e shokoi

floriana garo

Moderatorja e njohur Floriana Garo ka treguar një episod të trishtë të jetës së saj, që ka ndodhur në fillimet e daljes së saj në televizion. E ftuar në emisionin “Opinion” mbrëmjen e djeshme, prezantuesja foli lidhur me një mesazh që i erdhi në profilin në Facebook, mesazh që i ka mbetur gjatë në kujtesë.

“Në fillimet e televizionit për mua, nuk e kisha menduar këtë gjë, por sapo hyra në televizion hapa këto rrjetet sociale, Facebook-un kryesisht dhe më ka ardhur një mesazh një herë që thoshte: Unë ty të kam shumë inat sepse ke ndikuar shumë keq tek e dashura ime, e cila do një jetë si tënden. Dhe unë nuk e kisha menduar ndonjëherë këtë gjë, kështu që sot jam më e kujdesshme në ato që postoj. Kur e mora këtë mesazh, u shokova. Nuk e kam bërë këtë gjë me tendencë”, u shpreh Garo.