24 prill
Koncert
Jazz dhe Poezi
Jo vetëm për gjermanofolësit, por edhe për të apasionuarit e gjuhës
PENG PENG PENG! – Jazz & Poezi, me Nora Gomringer dhe Philipp Scholz
E hënë, 24 prill 2017, ora 19, Tulla – Culture Center, Rr. Hiqmet Delvina, Tiranë
Hyrja e lirë!
Një mikrofon, një bateri dhe dy artistë të talentuar: fituesja e Çmimit Bachmann, Nora Gomringer reciton tekstet e veta si dhe vargje nga letërsia botërore. Bateristi i Jazz-it Philipp Scholz përcakton ritmin, shoqëron udhëtim e lirë të fjalëve të Gomringer, drejton, ndërhyn tek folësja dhe e korigjon atë.
Rezultati është një magji e lashtë, me një pamje të re: Jazz & Recitim.
Një mbrëmje e organizuar në bashkëpunim nga Ambasada Zvicerane dhe Gjermane, jo vetëm për gjermanofolësit dhe nxënësit e gjuhës gjermane, por edhe për dashamirësit e muzikës dhe gjuhës si dhe gjithë kuriozët.
24 prill
Nana
Teatër
(E hënë) 20:00 – 21:30
Teatri Kombëtar Eksperimental “Kujtim Spahivogli”
Jeta e një familje, ne kushte jo shume te mira financiare, vjen e keqësohet momentin kur zonja e shtëpisë, mbetet e ve (vejushe) ne moshe shumë te re. Një grua shtatzëne, e cila nuk di si te mbijetoje ne një shtëpi të vjetër, të ftohtë, shpirti i saj ngrohet në momentin kur sjell në jetë foshnjën e vet. Gëzimi i saj sa vjen e shtohet në momentin kur e bën burrë, dhëndër. Mirëpo jo çdo gjë shkon ne familjen e tyre, si dhe më parë. Anëtarja e re e familjes, nusja e djalit, mundohet te menaxhoje shtëpinë siç ajo dëshiron, arrin t’iu ndërrojë sistemin e jetesës, dhe krijon konfliktet e para me te ëmën e djalit, si dhe t’i acarojë marrëdhëniet nënë e bir.
26 prill
Ekspozitë
Prill 26 (E mërkurë) 19:00 – Maj 15 (E hënë) 22:00
Galeria Kombëtare e Arteve
Ekspozita “Gjenerata A” – JULIUS EB do të mbahet në “Galerinë Kombëtare të Arteve” në muajt Prill – Maj 2017. Sipas përshkrimit të artistit ky është një projekt që pasqyron “Shqipërinë e shek.21” dhe ekskluzivisht atë brez, titulluar nga vetë Eb si “Gjenerata A”, që thuajse nuk njohu aspak diktaturën komuniste në Shqipëri, pas rënies së saj në 1991. Artisti përdor dhe manipulon “fotografinë e rrugës” (street photography) të transformuar në art. Imazhi që jepet mbulon tranzicionin e shoqërisë shqiptare, migracionin, identitetin kombëtar, arkitekturën, etj, si një kontribut në debatin për Shqipërinë moderne.” Ekspozita që përmban rreth 40 fotografi të formateve të mëdha,do të shoqërohet me workshop, debate, konkurs fotografie dhe do të realizohet në bashkëpunim me Linjën e Këshillimit për Gra dhe Vajza, një organizatë e shoqërisë civile që punon prej vitesh me viktimat e dhunës në familje si dhe djem e vajza të reja në gjithë vendin.
28 prill
Yoga në park
Sport
(E premte) 19:00 – 22:00
Parku i Madh ne Kodrat e Liqenit Artificial
Çdo të Premte te Fushat Multisportive, organizohen aktivitete që promovojnë jetesën e shëndetshme. Këtë javë rikthehet Joga në Park nga Instruktor Dorian Meta. Merr shokët dhe eja në Parkun e Madh të Liqenit Artificial.